لا يفوتك <<<<راعي الديك>>>>

هذي قصة راعي الديك
فيه ولد طفران ماعنده ولا ريال راح لأبوه وقال:عطني 15ريال بشتري كوره
الاب:انقلع عني تراها واصله معي
الولد:تكفى يابوي بس 15 ريال والا تدري خلها 10 ريال
الاب:ماعندي فلوس اذا تبي رح بع الديك حقك
الولد:بس هذا مريض ومحد بيشتريه
الاب:ماعلي منك دبر نفسك.....
الولد استسلم لأمر الواقع واخذ الديك واول واحد قابله اكيد ابوه
قال الولد:تشتري الديك ؟
الاب:اقول بتنقلع عني والا اقوم اتوطا في بطنك
الولد:خلاص خلاص لاتنفخ....
طلع الولد من البيت ومعه الديك في محاوله بائسه ان الديك ينباع عرض الديك على اهل الحاره كلهم ولا احد قبل انه يشتريه
قال الولد:امممممممم...والله مالي الا فلانه عقلها خفيف واكيد بقدر العب عليها بسهوله
فلانه هذي كانت وحده متزوجه بس للاسف (رايحه فيها)
راح الولد عشان يبيع الديك لها
الولد :تشترين الديك ؟
قالت :هلا والله بحبيبي تعال قرب مني عشان ابوسك واضمك
الولد:اقول مانب فاضي لك خذي الديك وخليني اروح
قالت :تروح وين ياعمري انا ماصدقت اشوف احد يزورني
الولد:ومنهو اللي قالك اني جاي ازورك؟
خذي مني الديك وخليني انقلع ....
شوي الا الباب يطق خافت الحرمه وقالت للولد : تعال اندس هنا بالدولاب لايطلع زوجي ونروح فيها
حطت الولد في الدولاب فتحت الباب الا ويطلع لها صديقها اللي ما يحتاج !!
الحرمه : هلا والله بعمري وحياتي
الرجال هلا بك ياعمري ما امدا الرجال يكمل كلمته الا الباب يطق
الحرمه : ياويلي اكيد هذا زوجي ....تعال وادخل بالدولاب
دخل خوينا بالدولاب الا في عز الظلام سمع صوت يكلمه ويقوله :تشتري الديك
الرجال : اصصصصصصصصصصص.....وطي صوتك الله يرحم والديك لا تفضحنا
الولد:اقول تشتري الديك ؟
الرجال:خلاص بشتري الديك بس قصر حسك تكفى
الولد:طيب
الرجال : بكم تبيعه ؟
الولد: ب100 ريال
الرجال: ايش!!!!!!!!هذا المنتوف المريض ب100
الولد : بتشتري والا ارفع صوتي ؟
الرجال: لا لا خلاص بشتري وامري لله...... جلسوا خمس دقايق
الولد: تبيع الديك؟
الرجال : توك بايعه علي يابن الحلال
الولد : تبيع علي والا ارفع صوتي ؟
الرجال: لا لا خلاص ببيعه وامري لله.....بكم تشتريه؟
الولد:بريال
الرجال : ايش!!!! بريال انا اشتريه منك ب100 وانت تشتريه مني بريال
الولد : تبيع والا ارفع صوتي ؟
الرجال : لا لا خلاص ابيعه وامري لله .....جلسوا خمس دقايق ...
الولد :تشتري الديك ؟
الرجال : ياخوي توني مشتريه منك!!
الولد: تبي تشتري والا ارفع صوتي ؟
الجال: لا لاخلاص بشتري وامري لله.....بكم تبيعه ؟
الولد: ب200 ريال
الرجال: الله ياخذك انشاء الله توني مشتريه منك ب100 ريال!!
الولد: تشتري والا ارفع صوتي ؟
الرجال: لا لا خلاص بشتري وامري لله جلسوا خمس دقايق ....
الولد: تبيع الديك ؟
الرجال: انا لله وانا اليه راجعون ......بكم تبي؟
الولد: بريال!!!
الرجال : وش تبيني اقول تبيني ابكي والا اشقق ثيابي ....يالله خذ الديك وبالش بعد .....
شوي الا الحرمه فاتحه عليهم الدولاب وقالت :انحشوا مادام زوجي بالحمام بس واحد ورا الثاني ......طلع الرجال ووراه الولد
المهم قام يتمشى الولد وهو مستانس ان صار معه فلوس بعدين راح البيت يوم دخل البيت شاف ابوه قدامه
راح الولد لابوه وقال: تشتري الديك؟
الاب ناظر والشرار طالع من عيونه وقال:مايكفيك ال300 ريال يابن الـ***** اللي لطشتها مني بالدولاب ؟؟؟!!!!!!


هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه هههههه



تقبلوا تحياتي .....

admin